Berusaha Menjadi Sukses

Apa arep nesu nyang boneka tali ?

Sigit Wahyu — Fri, 11 May 2012 01:48:19 +0000

Isuk-isuk maca berita nek yahoo soal boneka kayu raksasa sing dikendalekne karo tali-tali. Trus nyoba golek golek video soal boneka tali nek youtube. Wah, kaya urip tenan bonekane. Bonekane isa nari-nari kaya dene menungsa. Kaya-kaya urip tenan. Klik neng kene yen pingin langsung nang youtube.

Umpama dulur, boneka kayu iku nendang sampyan, njotos sampyan, sampyan arep nyalahke sapa? Nyalahke bonekane, apa nyalahke wong sing nggerakke boneka iku? Hayo dipikir. Mestine nyalahke wonge sing ngendalekke boneka iku kan? Pol yen gak wani nesu dadi mikir nyapo kok boneka iku diobahke nggo njotos lan nendang sampyan. Ngono kan ?

Dulur, menungsa sapa wae ora isa obah kejaba entuk ijin lan kekuatan saking gusti allah. Aja maneh obah, mung “pingin” obah wae ora bakal isa kejaba kanti pitulungane gusti allah. Isa pingin, isa obah, isa ana wae, kabeh kanti idzin lan kehendake gusti allah.

WIs mulai ngelink karo boneka kayu ??
Yup, kabeh sing nek ndonya iki dikendalekke gusti allah. Menawa ana wong sing nyolong barange awake dhewe, ngelokke, ngaplok, tindak daksio maring kita, elingo boneka kayu. Wong iku gak isa pingin, apa maneh obah kejaba ana kekuatan saking gusti allah. Arep nesu nyang wong iku? lawong wong iku sing nggerakke gusti allah. Arep nesu nyang gusti allah? Wis wani tenan to ?

Dadi pantese awakke dhewe ki mikir, nyapo gusti allah nggerakke wong iku nggo njupuk barange awakke dhewe. Nyapo wong iku digerakke nggo ngelokke, ngaplok, lan liya-liyane ? Apa yang dikehendaki oleh allah dengan semua itu ? Pikirkan apa keinginan allah, dan lakukan saja.

Insya allah, kito isa luwih bijak ngadepi kabeh kahanan sing teka.

Ora Mudeng

Sigit Wahyu — Tue, 03 Apr 2012 09:34:48 +0000

Entuk saka milist, maca sampe ngguyu, padahal lagi akeh pikiran..
Hayo sing lagi stress, monggo diwaca2 iki

Ora : Deng, ajari aku buat facebook dong
Mudeng : Oke, sudah didepan komp?

Ora : Ya, aq juga sudah punya email
Mudeng : sippp, buka, browser firefox, kalo gak internet explorer…

Ora : browser itu apa?
Mudeng : klik menu start trus cari tulisan Internet explorer

Ora : trus gimana?
Mudeng : ketik di kotak paling atas, “www.facebook.com”trus enter

Ora : oke, trus???
Mudeng: kalo sudah keluar gambarnya, isi form pendaftaran sesuai yg ada

Ora : yang mana yg diisi gak ada apa2
Mudeng : masaaak, dilayar ada tulisan apa?

Ora : di paling atas cuma ada tulisan “The page cannot be displayed”
Mudeng : wah, mbah, …kamu salah nulis diawal tadi

Ora : dah bener kok, www.facebook.com
Mudeng : ehm, mungkin koneksi internetmu mati..

Ora : emang butuh internet ya, dirumah nggak ada internet.
Mudeng : woooo kampreet…..jariku sampe kriting…gak tahunya gak ada koneksi..

Ora : ooo, ya sudah kapan-kapan aku ke warnet tak SMS lagi… suwun yoo…
Mudeng : sama-sama, emailmu apa?

Ora : www.mbahganteng2000@yahoo.com, dibuatin temenku, tapi belum pernah aku buka
Mudeng : waduh.. email kok ada www -nya sih mbah, gimana neh…

Ora : www tuh apa ?
Mudeng: Wassalamualaikum Warahmatullahi Wabarakatuh ((emosi.com)) >:O:’( =)) =D

Ora isin ta ??

Sigit Wahyu — Wed, 28 Dec 2011 07:52:21 +0000

Ra sengaja maca soal penulisan gelar pendidikan. Mulai S1, S2 lan S3. Tibane akeh gelar sing ora dak ngerteni. Kuper tenan.. hehe..
Otomatis dadi eling dawuhe guruku biyen, sing intine, apa ora isin nulis gelar nek sandinge jenenge dhewe? Padahal ilmu sing disandang isih sithik banget.

Apa ora isin nulis Sarjana Ekonomi?
Gusti allah mesti luwih pinter soal ekonomi.
Apa ora isin nulis Sarjana Agama?
Lawong allah malah sing duwe agama
Sarjana hukum? Teknik dll ??

Ora isin nyang gusti allah ta?
Nek arep ditulis, wah… title le gusti allah bakal ngebaki buku sing kandel dhewe..

Dudu nyindir sing nulis title le lho ya,
lan ora nglarang nulis title,
Paling nggak.. yen arep nulis mbok yao krasa isin thithiiik wae.
Aja malah karo rasa bangga

Sing isa gawe gela

Sigit Wahyu — Wed, 21 Sep 2011 07:25:44 +0000

Sakjane orang akeh sing isa nggawe ati iki gela. Yo mung samubarang sing wis klebu nyang ati, sing isa nggawe abang ijone ati iki. Gak ngerti maneh yen kabeh2 wis dilebokne ati, tambah akeh sing isa nggawe mangkel

Contone, yen ana wong wadon wudo mlaku dhewean turut ndalan, aku gak serik, gak gething, gak akeh komentar lah, ra ngefek istilahe. Seje maneh yen wong sing dak tresnani mlaku turut ndalan dhewean, padahal yo isih nggawe klambi lengkap, rasane ati wis rada gak kepenak.

MyLove, sorry yo, aku sensitif banget soal perkara2 sing nyangkut njenengan.

Sayange..
rasa gela mring wong sing disenengi kadang terus digawa
ora gampang nglalekke, kesalahane terus mbayang2i ati
yen aku wis pernah nglarani ati,
ora yakin atine isa nglalekke

wis talah dulur,
aja dieling2 salahe thok
bayangno apike wae,
yakin to ati iki tambah ayem lan tentrem.

hmmm….
aku dadi eling apa sing wis korbanke,
aku dadi eling apa sing wis dilakoni,
kesele, sabare, kabeh iku nggo nyenengke aku,
trus saiki aku duku piye nggo aweh piwales ?
yo.. aku mung isa mbales kanti donga

Mentala ning ra ketara

Sigit Wahyu — Fri, 16 Sep 2011 08:57:11 +0000

Dina iki ora sengaja diweneh kesempatan maca salah siji blog kanca lawas. Ing akan ana crita kunjungan nyang rumah sakit. Jenenge rumah sakit, yo akeh wong-wong sing lagi kena musibah. Yen ndeleng ngono iku, pancen rasane awake dhewe kudu isa luwih akeh syukur kanti kahana wektu iki.

Sing lagi lara mata, elingo nek kana ana sing wuto kawit cilik
Sing kerjo bayaran sithik, elingo akeh sing bingung golek kerjaan
Sing ora duwe motor, elingo malah ana sing ora duwe sikil nggo mlaku
Lan sak teruse..

Sering kan krungu omongan sing kaya ngono?
Pancen katon wajar seh, tapi yen dirasak-rasakke, dadi uwong kok yo mentalan tenan.
Lapiye, isane syukur yen ana wong sing luwih sara timbang deweke. Bayangke to, kok yo tega2ne ngucap syukur gak duwe motor sakwise nyawang wong sing gak duwe sikil. Kok isa2ne syukur lara mata sakwise eling ana wong sing wuto? Apa julukan sing pantes kanggo wong sing ngono iku yen dudu “mentalan” ?

Ora salah ngucap syukure, bro. Kahanan apa wae kita kudu tetep isa syukur dumateng gusti allah. Tapi mbok ya ojo ngenteni nyawang ana wong liyo sing luwih susah. Kapan isa ngrasakke susah yen ana sedulur sing susah nek carane ngene iki?

Tetep syukur dulur, apa wae kahanane
Pas dititipi utawa pas dijaluk titipane

Pas entuk bayaran pancen penak nek ngucap syukur
Tapi apa ya kuat ngucap syukur pas bar kecopetan??

Ya allah,,
njenengan paringi daya kuat

Urip kanggo wong liya

Sigit Wahyu — Wed, 03 Aug 2011 07:29:42 +0000

Eling pelajaran IPA soal rantai makanan pas nek SMP biyen ?, Tanduran dipangan walang, walang dipangan kodok, kodok dipangan ula, ula dipangan elang dst. Tibane, kodok ngoyo tetep urip, ben isa dadi panganane ula. Apa pelajaran sing isa dipundut ?

Yup, kita urip sakjane dudu nggo awake dhewe. Penjahit diuripke ben isa nyediani klambi nggo wong liyane. Petani tetep dienekke yo nggo nyediani panganane wong liya. Tapi kadang kita kabeh iki lali, yen sakjane diuripke nggo nyukupi kebutuhane wong liya.

Alhasil, kita sering mikir awakke dhewe. Apa sing isa dak jukuk saka kana. Wong kae isa dak manfaatke nggo apa. Yen aku nglakoni ngene, bakal entuk apa. Awake dhewe sing dadi fokus pembahasan nek arep nglakoni apa wae.

Saling mengingatkan yo dulur..
Muga-muga isa mlaku nggo wong liya..
Lan mbanggakke sapa wae sing pernah kenal kita
Aku yo sering laline timbang elinge kok, hehe

Bapa, apa njenengan pun bangga duwe anak aku?
Biyung, apa njenengan pun bangga wis nggedekke aku?
Mas, Mbak, apa sampyan wis bangga duwe adhi aku?
Adi-adiku, apa sampyan yo wis bangga duwe kangmas aku?

Kanca2ku, apa sampyan wis bangga wis kenal karo sigit?
Putra2ku, apa sampyan wis bangga duwe bapak kaya aku iki?
Cintaku, apa sampyan yo wis bangga duwe pendamping kaya aku?
Ya allah…,
napa panjenengan pun bangga gadah kawula kados kula ?

Kangen

Sigit Wahyu — Thu, 30 Jun 2011 08:22:31 +0000

Sapa sing ra pernah ngrasakke kangen? Raja utawa kawula, sugih utawa mlarat, lanang utawa wadon kabeh mesti pernah ngalami. Sampyan saiki kangen sapa dulur? Kangen anak, kangen bojo, kangen kanca, kangen wong tuwa? Kangen allah lan rosule ?

Yen masalah kangen sakjane aku yo gak pati paham seh. Apa pingin ngerti kahanane iku wis diarani kangen? Apa kepikiran iku wis isa diarani kangen? Walah… malah ra paham kan? Sing jelas, saiki aku lagi adoh karo wong-wong sing dak tresni. Saben sikil iki mlangkah, kaya-kaya terus kelingan. Pingin ngerti kabare. Pingin ngerti lagi apa sing nek kana.. Lha.. trus kapan elinge gusti allah, git?

Alhamdulillah, muga2 pas eling sapa wae, isa langsung eling marang allah, nggo masrahke, nggo ndonga, nggo njaluk, muga2 sing neng kana tetep apik-apik wae keadaane, tentrem lan ayem atine.. aamin.. La piye maneh, nggak isa action apa-apa, dulur. Arep nyapo nek nggak njaluk?

Salah paham nggarai masalah ra rampung-rampung

Sigit Wahyu — Sun, 08 May 2011 14:12:39 +0000

Dina jumat minggu kepungkur, isuk mulai nginstall server kantor. Eee sampe jumat sore durung rampung. Alamat gak isa pulang kampung ki. Tenan, jum’at bengi lagi rampung proses install. Lho.. isih ana sing error, gak isa konek oracle server lain. Padahal data2 akeh2 saka server lain. Piye ki??

Mulai hunting artikel2 nek google soal masalah oracle iku. Tibane akeh sing ngalami error serupa. Golek-golek nek website oracle, forum-forum dba oracle, la kok tetep wae gak temu. Sampe minggu masalah durung rampung. Wis bola-bali oracle dak install ulang, tetep wae durung kelar.

Minggu isuk mulai kepikiran, aja2 error dudu masalah oracle’e, tapi masalah windows’e. Ganti acara, ora nguthek setingan oracle, tapi maleh ganti uthek-uthek setingan windows’e. Sak wise sekitar 1 jam gonta-ganti setingan nek windows.. lhaaa.. masalah oracle tersolusi

Tibane rong dina iki aku salah paham. Dak kira masalahe ana nek setingane oracle. Lawong software liyane normal, lan artikel2 nek google yo ngomongke kesalahan nek setingan oracle. Masalah nggak rampung2 mergo aku fokus nek oracle sing dak kiro sumber masalah.

Kadang awakke dhewe nggak sadar nek sering salah paham. Pas ana masalah fokus nyang masalah iku nggo ngrampungke.

Seret bisnis’e, fokus nyang metode marketinge.
Nganggep bisnis bakal lancar yen nggawe metode sing bener.
Anak bandel nganggep cara ndidik sing salah.
Yen cara ndidike bener, mesti bakal bener dadine
Duwe Utang sing akeh, mikir kerja mempeng nggo nyaur
wah.. akeh maneh contone.

Aja salah paham dulur,
Aja terlalu fokus nyang masalah sing diadepi
Kadang masalah iku disebabke masalah liya
Lan bisa rampung yen masalah liya wis rampung

Lan yen ana masalah aja lali,
Yen ngrampungke masalahe dulur seiman,
Allah bakal ngrampungke masalahe awakke dhewe
Yen mbantu nggampangke urusane dulur seiman
Allah bakal nggampangke urusane awake dhewe ndunyo lan akherat

Apa sing dadi tujuanku ?

Sigit Wahyu — Thu, 14 Apr 2011 02:22:55 +0000

Ora kaya biasane, telung dina iki sms saka milist sales akeh tenan. Kaya-kaya angger jam ana wae sing broadcast sms. Tangi turu wis ana sms, rada awan sithik, sore, bengi, ana wae sing diomong soal sales. Mulai laporan pencapaian sales, problem, solusi, rencana lan sakpinunggalane.

Pancen yen wis dadi tujuan awan bengi mesti kepikiran. Lungguh kelingan, ngadek yo kelingan. Merem utawa melek tetep wae pikiran. Apa sing arep dilakoni kudu isa nyedhakake marang tujuan iku, aja sampe malah ngalang-alangi. Kabeh rencana kudu searah lan isa ndukung apa sing wis dadi tujuane.

Trus saiki apa tujuanku?
Yen ditakone jelas wae aku njawab ALLAH tujuanku.
Nanging apa bener saben tingkah lakuku wis eling allah?
Apa kabeh obah usikku wis nyedhak’ake aku marang allah?

Ora isa dak selak’i,
Aku durung bisa nata ati
Akeh lakuku mung krana nafsu
Pikiranku isih kebak kedonyan
Akeh amalan isih mikir bayaran

Yo, tetep wae aku bakal ngupadi,
Amrih saben wektuku, saben lakuku
Tansah eling lan kelingan marang allah
Batin, ati lan pikiran tansah kebak dzat allah
Muga-muga….

Kubawa selalu kubawa
Namamu di dalam hatiku
Ke mana saja ‘ku melangkah
Kubawa selalu kubawa
Namamu di dalam hatiku

Tak sehari pun berlalu tanpa bayanganmu
Tak sedetik pun berlalu tanpa dirimu
…..

Kabeh merga rasa tresno

Sigit Wahyu — Thu, 31 Mar 2011 15:39:32 +0000

Pas enak-enak gletak’an, arya lan kinza pada guyonan. Ee.. sing mas’e malah nyedhaki abine, ngejak dolanan jaran-jaranan. Sapa maneh sing dadi jarane yen dudu abine, arya sing numpaki. Ngerti mase numpak jaran, kinza gak gelem ketinggalan, melu munggah. Abine sing njilma dadi jaran mueng ditupaki 2 pangeran sing guyonan wae.

Wis kebayang to, abi sing tuwa dhewe, pinter dhewe, ganteng dhewe, sing nguwasai omah, ditumpaki cah cilik2 yo manut wae. Ora protes, malah mubeng-mubeng cekikian kanti seneng. Apa maneh sebabe yen dudu merga tresna ? Merga rasa tresna dadi jaranpun gak papa. Merga rasa tresno ditumpaki cah cilik-cilik malah seneng lan semangat.

Trus, benarkah aku sudah mencintai allah?
Sepira gedhene trensnaku marang dzat allah?
Apa wis siap yen allah ndadekke aku tunggangan?
Apa wis lila yen allah ndadekke aku hina?

Apa isa diarani tresna,
Yen susah sithik wae wis ngersula.
Dadi jaran tunggangan sedelut wae,
Wis bengak-bengok ra karuan omongane

Allah ngongkon dadi wong mulya apa wong ina
Allah paring coba sing nyenengke apa sing nyusahke
Tetep lakon’ana kanthi senenge ati
iki dudu masalah apa sing dilakoni,
tapi masalah sapa sing maringi lakon

Abote wong nandang tresno
Tak belani nganti tekan pati
Tresnaku mung kanggo siro
Kusumo ayu sing merak ati
Awan bengi ra biso lali
Tansah eling esem mu
Nganti kapan aku rangerti
Biso nyanding sliramu